ედმილსონი : "მადრიდელებმა დამსახურებულად გაიმარჯვეს"
რეალ "სარაგოსას" ფეხბურთელმა, ედმილსონმა, შეხვედრის შემდეგ განაცხადა, რომ მისი გუნდისთვის ძალიან რთული იყო "რეალთან" თამაში და წაგება ლოგიკურია...
"მოურინიოს შეგირდებმა დაიმსახურეს გამარჯვება, მათ კარგად ითამაშეს და დამსახურებული 3 ქულა ჩაიწერეს აქტივში, მათთვის მთავარი მხოლოდ მოგება იყო და სწორედ გამარჯვებაზე იყვნენ ორიენტირებულნი."
"მესუთ ოზილი და კრიშტიანო რონალდო შესანიშნავად უგებენ ერთმანეთს და კარგ დუეტს ქმნიან, მათი გაჩერება ყოველთვის დიდ პრობლემებთან არის დაკავშირებული. პორტუგალიელი მოთამაშე ნამდვილი ფენომენია და მასთან თამაში ნებისმიერი დაცვითი სტილის მოთამაშისთვის რთულია. (სურათზე სწორედ რონი და ედმილსონი არიან)."
"სამეფო კლუბთან წაგებით არაფერი შეცვლილა, ჩვენ მომავალ მატჩში მადრიდელებთან შედარებით სუსტი მეტოქე გვყავს და აუცილებლად ვეცდებით მოგებას, ჩვენთვის თითოეული ქულა გადამწყვეტია, რადგან უმძიმეს სიტუაციაში ვიმყოფებით და გასავარდნ ზონაში "ფესვებს ვიდგამთ", ეს კი გუნდისთვის ცუდია."
- 13 დეკემბერი 2010
- 1 865
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
