მადრიდის "რეალის" პორტუგალიელმა ფეხბურთელმა, კრიშტიანო რონალდომ განაცხადა, რომ დღევანდელი სტანდარტი ერთ-ერთი საუკეთესო იყო მის კარიერაში. რონიმ ასევე დასძინა, რომ არაგონელებმა ძალიან კარგად ითამაშეს და ღირსეული წინააღმდეგობა გაუწიეს "ბლანკოსს".

"გუნდი მთელი მატჩის მანძილზე ფლობდა უპირატესობას და ურთულეს სამუშაოს ასრულებდა, ჩემი გოლი წარმატების მიღწევაში დაგვეხმარა, ეს იყო ერთ-ერთი ულამაზესი ჯარიმა ჩემი კარიერის მანძილზე. საბოლოო ჯამში გუნდმა ბრწყინვალე შთაბეჭდილება დატოვა და დამსახურებული გამარჯვება მოიპოვა, იმედი მაქვს ასე განვაგრძობთ და ვიბრძოლებთ ჩემპიონობისათვის."

"შეხვედრა გარდამავალი უპირატესობით დაიწყო, მასპინძლებს მოტივაცია არ აკლდათ და ცდილობდნენ თუნდაც 1 ქულის მოპოვებას, ხავიერ აგირეს შეგირდებმა რამდენიმე სახიფათო მომენტიც შექმნეს შეხვედრის დებიუტში, მაგრამ ოზილის გოლმა ყველაფერი დაალაგა, ანგარიშის გახსნის შემდეგ ჩვენ გაცილებით უფრო თავდაჯერებულები გავხდით, ჩემი გოლის შემდეგ კი სადავეები მთლიანად ვიგდეთ ხელთ."