მადრიდის "რეალმა" დღევანდელ შეხვედრაში წარმატებას მიაღწია და 3 ქულის მოპოვება შეძლო, მაგრამ ამ მატჩს უარყოფითი მხარეებიც ჰქონდა. კერძოდ, ბრაზილიელმა მარსელომ და ესპანელმა ხაბი ალონსომ ყვითელი ბარათები მიიღეს, ეს მათთვის მეხუთე გაფრთხილება იყო, ესპანეთის ჩემპიონატის წესების მიხედვით კი ყოველი მეხუთე "გაყვითლება" ერთ შეხვედრიანი დისკვალიფიკაციით ისჯება...

ორივე ფეხბურთელი გუნდის ძირითად ბირთვს წარმოადგენს და ანდალუსიურ გუნდთან მათ გარეშე თამაში "ბლანკოსს" რა თქმა უნდა გაუჭირდება. ალონსოს გრანერო, ან ლასი ჩაანაცლებს, ხოლო მარსელოს შემცვლელი ნომინალურად არბელოა იქნება, მარჯვნივ კი სავარაუდოდ ალბიოლი დადგება, მაგრამ არის მეორე ვარიანტიც, რომლის მიხედვითაც ხაბის მაჰამადუ ჩაანაცვლებს, ლასანა კი მარჯვენა მცველის პოზიციაზე ითამაშებს, მარსელოს ადგილს კი ალვარო დაიკავებს.