მადრიდის "რეალის" საკალათბურთო გუნდმა მორიგი გამარჯვება მოიპოვა და ACB-ს სათავეში მოექცა. მესინას შეგირდები "სარაგოსას" კალათბურთელები იყვნენ. თეთრებმა მთელი შეხვედრა ბრწყინვალედ ჩაატარეს და დამსახურებული გამარჯვება მოიპოვეს.

მიუხედავად იმისა, რომ მთელი შეხვედრის მანძილზე "სარაგოსა" ტოლს არ უდებდა "რეალს" , გამარჯვება მაინც დედაქალაქელებს დარჩათ, რადგან ისინი გაცილებით უფრო მოტივირებულები ჩანდნენ, მასპინძლის ფაქტორმაც რა თქმა უნდა დიდი როლი ითამაშა.

ფელიპე რეიესი შესანიშნავად ასპარეზობდა და მან გუნდის გამარჯვებაში ლომის წილი დაიდო, მთელი შეხვედრის მანძილზე იგი აქტიურობდა და პრობლემებს უქმნიდა მოწინააღმდეგე გუნდის მოთამაშეებს.

რაც შეეხება კლეი ტაკერს, მისი თამაშიც მხოლოდ ქებას იმსახურებს, რეიესთან ერთად მან ბრწყინვალე ტანდემი შექმნა და გუნდს გამარჯვების მოპოვებაში დაეხმარა.

საბოლოოდ "თეთრებმა" დამაჯერებლად, 84-65 გაიმარჯვეს, მესინას შეგირდებმა 19 ქულით მეტის მოპოვება მოახერხეს მეტოქეზე. ახლა ისინი ცხრილის პირველ ადგილს იკავებენ.