როგორც მოგეხსენებათ "რეალის" არგენტინელ თავდამსხმელს გადაუდებელი სამედიცინო კურსი ჭირდება. როგორც Marca იტყობინება,იგი 4 კვირაში შეძლებს ვარჯიშზე დაბრუნებას...

22 წლის იგუაინს ძალზედ მძიმე ტრავმა აქვს. მას გადაუდებელი სამედიცინო ჩარევა ჭირდება. როგორც ექიმები იუწყებიან, პიპიტა სავარაუდოდ ერთ თვეში შეძლებს,რომ ვარჯიშს დაუბრუნდეს თუკი ყველაფერი გეგმის მიხედვით წარიმართა. გონსალო "რეალის" შემადგენლობაში "ლა ლიგის" მეორე წრეში გამოჩნდება.

ჯერ არ არის გადაწყვეტილი,რომელ საავადმყოფოში გაივლის გონსალო სამედიცინო კურსს. არაა გამორიცხული,რომ იგი სამშობლოში გაემგზავროს სრული რეაბილიტაციისთვის.

ამასთან დაკავშირებით არგენტინელმა მცირე კომენტარი გააკეთა: "ძალიან ვწუხვარ,რომ "რეალს" ვერ დავეხმარები, მაგრამ გპირდებით,რომ ეს დროებითია. მე ყველანაირად შევეცდები,რომ მალე გამოვჯანმრთელდე. ამისთვის თავდაუზოგავად ვიშრომებ. ასევე მინდა წარმატება ვუსურვო ბენზემას,რომელსაც ჩემი არყოფნის დროს შეუძლია დაამტკიცოს,რომ მაღალი დონის ფეხბურთელია."