მადრიდის "რეალის" ხელმძღვანელობამ "უეფაში" სარჩელი შეიტანა. მოგეხსენებათ, 23 ნოემბერს ამსტერდამის "აიაქსთან" გამართულ შეხვედრაში მიღებული 2 წითელი ბარათი განსჯის საგანი გახდა. დისციპლინარულმა კომიტეტმა "ბლანკოსის" ფეხბურთელებს და ხელმძღვანელობას გარკვეული სახის სანქციები დააკისრა. კერძოდ ეს იყო ფულადი ჯარიმა. ჟოზე მოურინიო კი 2 მატჩიანი დისკვალიფიკაციითაც "დააჯილდოვეს".

დღეს გავრცელებული ინფორმაციით, სამეფო კლუბის მიერ წამოყენებული პრეტენზია ზემოთხსენებულთან დაკავშირებით დაკმაყოფილებულ იქნა და სანქციებიც შედარებით შერბილდა. ფეხბურთელებს ფულადი ჯარიმები გაუნახევრდა ხოლო პორტუგალიელი სპეციალისტი ორის ნაცვლად ერთ შეხვედრას მიადევნებს თვალს ტრიბუნებიდან.

გამოდის, რომ ჩემპიონთა ლიგის 1/8 ფინალში მოურინიო საკუთარი ადგილიდან დამოძღვრავს გუნდს და მას არ მოუწევს შუამავლის მეშვეობით მითითების გაცემა.