მოგეხსენებათ, სამეფო კლუბს წინა ხაზში აშკარა პრობლემები აქვს. მას შემდეგ, რაც ცნობილი გახდა, რომ გონსალო იგუაინს ოპერაცია ესაჭიროება, ჟოზე მოურინიო მხოლოდ ერთი ფორვარდის ამარა დარჩა. სეზონი ძალიან გრძელია და ბევრი მომქანცველი მატჩი იქნება ჩასატარებელი, აქედან გამომდინარე მხოლოდ ფრანგ ფორვარდზე გათვლა დამღუპველი იქნება. ხორხე ვალდანო და კომპანია უკვე შეუდგნენ ფორვარდის ძიებას, ზამთრის სატრანსფერო ფანჯრის დროს "ბლანკოსის" რიგებს აუცილებლად უნდა შუეერთდეს მინიმუმ 1 მაღალკვალიფიციური ფორვარდი...

განიხილება რამდენიმე კანდიდატურა, მათ შორის ყველა აქტუალური ბილბაოს "ატლეტიკის" ესპანელი ფორვარდის, ფერნანდო ლორენტეს საკითხია, რომელსაც ბასკთა პრეზიდენტი "კბილებით" იჭერს და არ აპირებს მის გაყიდვას. ატლეტიკის პრეზიდენმა ფერნანდოს წარმოუდგენელი ფასი დაადო, რომელიც 67 მილიონ ევროს შეადგენს.

ლორენტეს გარდა ასევე განიხილება ემანუელ ადებაიორის, უგო ალმეიდას და ალვარო ნეგრედოს საკითხი, რომელიც ამჟამად სევილიას ღირსებას იცავს იჯარის წესით. ახალგაზრდა კანტერანო მადრიდის "რეალის" საკუთრებაა და სურვილის შემთხვევაში "ბლანკოსს" შეუძლია მისი ზამთარში გამოსყიდვა.

The Sun-ის ინფორმაციით კი ფლორენტინო პერესს კიდევ ერთი ფეხბურთელი ესიმპატიურება, რომელიც წინა ხაზს გააძლიერებს. ეს გახლავთ კარლოს ტევესი, რომელიც ინგლისური მანჩესტერ სიტის ღირსებას იცავს. არგენტინელი მოთამაშე მანჩესტერული კლუბის უდავო ლიდერი და გოლების მანქანაა, სწორედ ამიტომ გაამზადა პერესმა 45 მილიონი. დიდი თანხის შეთავაზების მიუხედავად რთულია იმის თქმა რომ კარლიტოს ტრანსფერი უბრძოლველად გაიჩარხება, რადგან სიტის ფინანსური პრობლემები აშკარად არ გააჩნია და მათი ხელმძღვანელობა შესუსტებას არ აპირებს.

როგორც ჩანს მადრიდულ მხარეს იანვარში "მხურვალე ზამთარი" ექნებათ, რადგან მოურინიო საგონებელშია ჩავარდნილი, მას აუცილებლად სჭირდება მინიმუმ ერთი მაღალი დონის თავდამსხმელი.