ხალხი უკვე ფიქრობს მოდმევნო ”ელ კლასიკოზე” და ამის მიზეზი გასაგებია. ყველა მადრიდელს სურს, რომ გასული ესპანური დერბი მალე დაივიწყოს.

თითოეული ჩვენთაგანისთვის ეს ”ელ კლასიკო” ნამდვილი კატასტროფის ტოლფასი იყო. 5-0 დამაცირებელი და საგანგაშო შედეგია, მაგრამ ”რეალის” ქომაგები და მათ შორის მეც თავს იმით ვიმშვიდებთ, რომ წინ კიდევ ერთი ესპანური ”სუპერ კლასიკოა”, რომელიც აპრილის თვეში ”ბერნაბეუზე” გაიმართება.

თუ კატალონიელები გაიმარჯვებენ ”სანტიაგოზე”, მაშინ გამოდის, რომ ისინი შესძლებენ გაიმარჯვონ ნებისმიერ სტადიონზე. პორტუგალიელ სპეციალისტსაც ჟოზე მოურინიოს ახალი ტაქტიკა ექნება შემუშავებული, თუ როგორ უნდა დაამარცხოს მან ”ბარსელონა”.

იმ დროისთვის აგრეთვე სრულ მზადყოფნაში იქნება რიკარდო კაკაც, რომელიც ჯერ-ჯერობით მხოლოდ და მხოლოდ სიარულით შემოიფარგლება. ”თეთრებს” ექნებათ უფრო მეტი თავდაჯერებულობა და მონდომებაც, რადგან კვლავინდებურად არ გააცრუვონ გულშემატკივართა იმედები.

მოურინიოს შეგირდებმა ეს მძიმე მარცხი მალევე უნდა დაივიწყონ და უნდა იფიქრონ მომავალზე. ეს მათთვისაც და ჩვენთვისაც გაცილებით უკეთესი იქნება. მესუთ ოზილმა, ანხელ დი მარიამ და ხედირამ უკვე შეიგრძნეს და გაიგეს, თუ რამხელა მნიშვნელობა აქვს ესპანურ დერბის.

სპეციალისტები ყველაფერს აბრალებენ ფსიქოლოგიურ დაჩაგვრასა და კატალონიელების კარგ თამაშს. მადრიდელთა არენაზე კი სურათი რადიკალურად განსხვავებული უნდა იყოს, წინააღმდეგ შემთხვევაში(თავადაც იცით)...