ჟოზე მოურინიომ კატალონიაში გამგზავრებამდე კიდევ ერთხელ შეკრიბა თავისი ფეხბურთელები. ვარჯიშს ტრავმირებული კაკას და გაგოს გარდა ყველა დაესწრო. გამოჯანმრთელდნენ იგუაინი, ხედირა და გარაი, რომლებიც დღეს გუნდს შეუერთდნენ.

გუნდის 23 ფეხბურთელი რუი ფარიამ ფიზიკურად მოამზადა. მათ თავდაპირველად მოედნის გარშემო ირბინეს, შემდეგ კი სხვა ფიზიკური სამუშაოები შეასრულეს.



საბოლოოდ კი გუნდი ორ ნაწილად გაიყო. პირველ გუნდში 11 ხოლო მეორე გუნდში 12 ფეხბურთელი. მოთამაშეებმა თითო შეხებით პასების გადაცემაში ივარჯიშეს. ისინი წრეში იდგნენ, ხოლო წრის შიგნით ორი ფეხბურთელი იყო, რომელიც თანაგუნდელებისთვის ბურთის წართმევას ცდილობდა.



ვარჯიშის ბოლო პერიოდი კი დახურულ კარს მიღმა გაიმართა.