- პირველად "ბარსელონას" წინააღმდეგ როდის ითამაშეთ?

- ჩემი დებიუტი შედგა ჯერ კიდევ მაშინ, როცა "სანტანდერის რასინგში" გამოვდიოდაი. მაშინ ის შეხვედრა "ელ სარდინეროზე" 3:3 დამთავრდა.

- და რაც შეეხება "მადრიდის რეალის" შემადგენლობაში თქვენ პირველ დებიუტის "ბარსას" წინააღმდეგ?

- პირველ შეხვედრაში ჩვენ მადრიდში 5:0 გავიმარჯვეთ, ხოლო "კამპ ნოუზე" კი მათ 4 გოლის გაგვიტანეს (4:1) , თუ არაფერი მეშლება. თანაბარი სიძლიერისა ვიყავით. "ბარსელონას" შესანიშნავი შემადგენლობა ყავდა. იქ თამაშობდნენ კუბალა, სუარესი მანჩონი,ბასორა... მიუხედავად ამისა, მათ მაშინ მხოლოდ ორი ლიგა მოიგეს.

- "ბარსას" წინააღმდეგ ჩატარებულ შეხვედრებში, რომელს გამოარჩევდით?

- ყველაზე მეტად მახსოვს შეხვედრა, რომელში მე ძალიან დიდი სიამოვნება მივიღე, ის არ მოგვიგია, მაგრამ მაინც. მაშინ ეს შეხვედრა 2:2 დასრულდა, "ლეს კორტს"–ის ძველ სტადიონზე, მე ორი გოლი გავიტანე. ის "მადრიდის რეალში" ჩემი კარიერის დასაწყისი იყო.

- რას გრძნობთ, როცა "რეალი" "ბარსას" გოლს უტანს?

- ყველაზე ბედნიერი ვარ და ამჯერადაც ასე იქნება.

- და რას ღებულობთ ასეთი მნიშვნელოვანი შეხვედრებისას გულშემატკივრებისგან?

- ეს სიგიჟეა, როცა ასეთ შეხვედრაში იმარჯვებ მთელი მსოფლიო შენ გეფერება და გილოცავს...

- როცა სტადიონზე მიდიოდით, "ბარსას" გულშემატკივრებს როგორი დამოკიდებულება ჰქონდათ?

- ისინი მუდამ კარგად იქცეოდნენ, როგორც ბარსელონაში, ასევე ბილბაოში. ჩემი ყველაზე კარგი თამაშები მე "ბარსელონასა" და "ატლეტიკის" წინააღმდეგ ჩავატარე.

- და ამავდროულად მძიმეც?

- დიახ, ყველაზე რთული და საუკეთესოები.

- თქვენს შეხვედრებში არის ერთი თამაში, სადაც 4 გოლი გააუქმეს...

- ევროპის თასის განმეორებით შეხვედრაში. ამბობდნენ, რომ ჩვენ ევროპის თასზე გამარჯვება გვეყოფოდა (იცინის). რის შემდეგაც, ჩვენ მათ კვლავ შევხვდით ლა ლიგის ეგიდით და 5:3 გავიმარჯვეთ.

- "ბარსას" რომელი ფეხბურთელი ახერხებდა ყველაზე მეტად თქვენს ჩაკეტვას?

- პარაგვაელი ბენიტესი. ის ბრწყინვალე ფეხბურთელი იყო და მე მას ვერაფერს ვუხერხებდი. ასევე ჩემს წინააღმდეგ კარგად თამაშობდა ოლიველია.

წყარო: Don Balon