მოურინიოს სამაგიერო

მოურინიოს შემდეგი შეხვედრა "ბარსელონასთან" მოხდა წინა სეზონის ჩემპიონთა ლიგის გათამაშებისას.2009 წლის 16 სექტემბერს პორტუგალიელმა ერთგვარი თეთრი ალამი აღმართა:

" "ბარსელონა" წაგებას არ იმსახურებს, ისინი დახუჭული თვალების თამაშობენ"– განაცხადა მან თამაშის შემდეგ, რომელშიც ნულოვანი ფრე დაფიქსირდა.

" "ბარსა" პირველ ნახევარში ბრწყინვალე იყო, ისინი ევროპაში საუკეთესოები არიან"–აღნიშნა პორტუგალიელმა 2009 წლის 24 ნოემბერს "კამპ ნოუზე გამართულ განმეორებითი შეხვედრის შემდეგ (2:0 "ბარსას" სასარგებლოდ). მაშინ გვარდიოლას კლუბი მესისა და იბრაგიმოვიჩის გარეშე თამაშობდა. აღსანიშნავია, რომ ეს მოხდა ლა ლიგაში "მადრიდის რეალის" წინააღმდეგ ჩასატარებელ "ელ კლასიკო"–მდე.

პირველ შეხვედრაში, გვარდიოლას დამატებით წუწუნს კოლეგის მხრიდან საკმაოდ ჩაკეტილი თამაშის გამო ("ძალიან ძნელია თამაში, როცა დაცვაში ათი ფეხბურთელი დგას") დაემატა სამეულ ეტო'ოს ცივი დახვედრა. თავდამსხმელის, რომელიც იმ ზაფხულს გადავიდა "ინტერში" მწვრთნელთან არსებული უთანხმოების გამო. მაშინ როცა, "ბლაუგრანას" მწვრთნელი იცინოდა, აწ უკვე "მადრიდის რეალის" თავკაცი ცდილობდა ყველაფერი, რაც შეიძლება მალე დასრულებულიყო, თითქოსდა გრძნობდა, თუ რა შეიძლებოდა მოსვლოდა მის კლუბს.

მესისა და იბრაგიმოვიჩის გარეშე მოედანზე "ბარსელონა", როგორც ერთი მთლიანი, ისე მოქმედებდა, განსაკუთრებით აღსანიშნავია პედროს თამაში. "ტენერიფეს" აღზრდილი მაიკონთან ბრძოლაში მუდამ გამარჯვებული გამოდიოდა და მეორე გოლის გატანაც მოახერხა. პირველი გოლის ავტორი კი პიკე გახლდათ.

"ბარსელონას" ჩემპიონთა ლიგაზე გამოსვლის გაგრძელებისთვის გამარჯვება ესაჭიროებოდა და მან ეს მოახერხა, "ინტერი" მხოლოდ და მხოლოდ არასასურველი სტუმარი იყო მოედანზე.

"მოედანზე მხოლოდ ისინი თამაშობდნენ და თან შეუდარებლად"–აღნიშნა მოურინიომ.

ბევრი ვერც კი წარმოიდგენდა, რომ პორტუგალიელს პასუხის გაცემისა და სამაგიეროს გადახდის საშუალება იმავე სეზონში მიეცემოდა.

წყარო: El Mundo