ამ სეზონში ქომაგებს ელოდებათ აბსოლიტურად გათანაბრებული კლუბების დუელი. მადრიდის ”რეალმა” მოურინიოს ხელში, სეზონი უნიკალურად დაიწყო. მიმდინარე სეზონში ბრწყინვალედ გამოიყურება ”რეალი”, ისევე როგორც ”ბარსელონა”.

მადრიდელებმა უკვე მოხსნეს ერთი რეკორდი ”ლა ლიგაში”. მოურინიოს შეგირდებმა 12 მატჩში 32 ქულა მოიპოვა, რაც ამ დროისთვის ეს შედეგი განუმეორებელია. პორტუგალიელს ჰქონდა შესანიშნავი დებიუტი ”პრიმერაში”, ვინაიდან ასეთ მცირე დროში ამგვარი წარმატება არავის ახსოვს არცერთი მწვრთნელისგან. ”სამეფო” კლუბი, რაც ჟოზეს ხელშია არ დამარცხებულა(25 მატჩი). კატალონიელები კი ”ბლანკოსის” მოთამაშეებს მხოლოდ ერთი ქულით ჩამორჩებიან(10 მოგება, 1 წაგება და 1 ფრე).

მადრიდის ”რეალთან” ერთად, რეკორდი ”ბარსელონამაც” მოხსნა. მათ დაამარცხეს 8-0 ”ალმერია” გასვლაზე. ამგვარი შედეგით ”ბარსელონას” არასოდეს გაუმარჯვია სტუმრათ. საუბარიც ზედმეტია იმაზე, რომ ყველასათვის მთავარ ინტერესს მესისა და რონალდუს დუელი იწვევს. მათ თამაშს პრინციპული მნიშვნელობაც აქვს, ვინაიდან სწორედ ეს ფეხბურთელებბი არიან ”პრიმერას” ბომბარდირები(რონალდუ - 15, მესი - 13).

პორტუგალიელისთვის საკმაოდ ნაყოფეირი 2008 წელი გამოდგა. მან 42 გოლი გაიტანა და დაეუფლა მსოფლიოს საუკეთესო ფეხბურთელის ტიტულს და თუ ის გააგრძელებს ამ ტემპით გოლების შეგდებას, მაშინ მეგავარსკვავი თავის შედეგს აუცილებლად გააუმჯობესებს წლის ბოლომდე. მან წინა სეზონში მადრიდელთა რიგებში 33 გოლი გაიტანა, რაც ურიგო არაა იმის ფონზე, რომ მან გამოტოვა 15 ოფიციალური შეხვედრა ტრავმის გამო. ისიც აღსანიშნავია, რომ მესიმ ბოლო 9 თამაშში 15 გოლი გაიტანა(სხვადასხვა ტურნირებზე).

მაგრამ ბრძოლა მხოლოდ რონალდუსა და მესის შორის როდია. ერთმანეთს შეებრძოლებიან: ვილა და იგუაინი, პეპე და პუიოლი, ალონსო და ჩავი ერნანდესი, აგრეთვე საინტერესოა ვალდესისა და კასილასის დაპირისპირებაც. ვიქტორი შეეცდება, რომ იკერს მსოფლიოს საუკეთესო მეკარის ტიტული წაართვას.

მოურინიოსგან ყველა მაქსიმუმს ითხოვს. გულშემატკივრების აზრით ის რკინისკაცია და ყველაფრის გაკეთება შეუძლია, ნაწილობრივ ეს ასეც არის. ჟოზე მადრიდს შესანიშნავად მოერგო და შეეცდება, რომ მრავალი ტიტული შესძინოს კლუბს. როგორც ვარაუდობენ ეს ”ელ კლასიკო”, იქნება ყველაზე საინტერესო და ყველაზე დაძაბული ბოლო წლების განმავლობაში.