"ეს მორიგი მატჩი იქნება"–ასე იწყებს კრიშტიანო რონალდუ საკუთარ ინტერვიუს Bwin.com–თან. მიუხედავად ამისა, ორშაბათს გასამართ "ელ კლასიკოზე" მსჯელობისას, იგი აღნიშნავს, რომ ეს მნიშვნელოვანი თამაში იქნება.

"ეჭვგარეშეა, რომ ორივე კლუბისთვის ამ თამაშს დიდი მნიშვნელობა აქვს. ჩვემ მათ ერთი ქულით ვუსწრებთ. მიუხედავად ამისა, ჩვენთვის ეს თამაში ძალიან ძნელი იქნება, ვინაიდან "კამპ ნოუზე" გვიწევს ასპარეზობა. დარწმუნებული ვარ, ყველაფრის მიუხედავად ჩვენ შევძლებთ დადებითი შედეგის მიღწევას."

პორტუგალიელმა ფეხბურთელმა აღნიშნა, რომ შედეგის მიუხედავად ლა ლიგა 29 ნოემბერს არ სრულდება:

"ეს ფინალი არაა, წინ კიდევ ბევრი თამაში გველის."

რონალდუ კომპლიმენტებს არ იშურებს მოწინააღმდეგის მიმართ:

"ის ძალიან ძლიერი კლუბია, ძლიერი კოლექტივით, ისინი კარგა ხანია ამ დონზე თამაშობენ, მათი "კამპ ნოუზე" თამაშის ხილვა სიამოვნებაა. ბევრჯერ დაამტკიცეს, რომ ჩვენ ეგრე ერთი ხელის მოსმით არაფერს არ დაგვითმობენ და ბოლომდე შეგვებრძოლებიან."

CR7 დარწმუნებულია, რომ "მადრიდის რეალი" შეძლებს "ბარსელონასთვის" შესაბამისი წინააღმდეგობის გაწევას:

"ჩვენ გვჯერა საკუთარი თავის და გვწავმს საკუთარი შესაძლებლობების. ამჟამად კარგ ფორმაში ვიმყოფებით. ყოველივე ამის გათვალისწინებით კი, შემიძლია გითხრათ, რომ ძალიან კარგი თამაში იქნება."

პორტუგალიელმა ყურადღება გაამახვილა ამ ორ კლუბს შორის არსებულ მსგავსებასა და განსხვავებებზე:

"ეს ორი ძლიერი კლუბია, ორივე მათგანი უმაღლესი მიზნებისთვის იბრძვის, ერთმანეთთან ძალიან ახლოს (პოზიციის მხრივ) არიან, მაგრამ სრულიად განსხვავებულ ფეხბურთს თამაშობენ. ჩვენ ვცდილობ ყველაფერი რაც შეიძლება მალე მოვაგვაროთ მოედანზე და ხშირად სწორხაზოვნადაც ვმოქმედებთ. ჩვენ ჩვენი "მე" გვაქვს და არავის არ ვბაძავთ. ასე გაგრძელებას ვაპირებთ, ვინაიდან ამ თამაშით შესანიშნავ შედეგებს ვაჩვენებთ."

ბოლოს რონალდუმ ისაუბრა ჟოზე მოურინიოზეც:

"თითოეული ფეხბურთელი მოხარულია, რომ ისეთ მწვრთნელთან უწევს მუშაობა, როგორიც ჟოზე მოურინიოა. მან ყველაფერი მოიგო. იმედი მაქვს, მოურინიო შეძლებს საკუთარი გამარჯვებულის სტატუსის გამყარებას მადრიდში და მასთან ერთად ბევრ ტიტულებსაც მოვიგებთ."

წყარო: Realmadrid.com