ჟოზე მოურინიომ დაასახელა ის ექვსეული, რომელიც ყველა თამაშს ჩაატარებს: კასილასი, რამოსი, მარსელო, ალონსო, ოზილი და რონალდო. ხოლო დანარჩენმა ფეხბურთელებმა თავდაუზოგავი შრომის ხარჯზე უნდა მოახერხონ ძირითად შემადგენლობასი ადგილის დამკვიდრება.

"აიაქსთან" მატჩის დაწყებამდე, რამოდენიმე საათით ადრე, კასილასი თავს ცუდად გრძნობდა (მოიწამლა). მისი ადგილის დაკავებას დუდეკი აპირებდა, თუმცა მადრიდელთა კაპიტანი მწყობრში ჩადგა. ასევე თადარიგში არის, არბელოა, რომელიც მზად არის ნებისმიერ დროს დაიკავოს მარსელოს ან რამოსის პოზიცია. სერხიო რამოსს კი უკანა ხაზზე ნებისმიერი პოზიციის გამყარება შეუძლია.

ხაბი ალონსოს ადგილას კი რამოდენიმე ფეხბურთელი მოიაზრება. ესენია: მაჰამადუ დიარა, ლასი, ხედირა, გაგო და გრანერო. შეტევაში კი გამთამაშებლის პოზიციაზე ორი ძირითადი კანდიდატია (ოზილი და კაკა).

თავდასხმაში კი სულ სხვანაირადაა სიტუაცია. რონალდოს შემცვლელი გუნდში არ მოიძებნება. იგი გამორჩეულია. მართალია კარიმ ბენზემას შეუძლიან ფლანგზე თამაში, თუმცა იგი პორტუგალიელი ფეხბურთელის დონის ნამდვილად არაა.