მოურინიომ წინა მატჩში ალვარო არბელოა მარჯვენა მცველის პოზიციაზე გაამწესა. შესაძლოა ძალიან ბევრი გულშემატკივარი მას არ აფასებს, როგორც ღირსეულ მადრიდისტას, თუმცა აღსანისნავია ის, რომ "აიაქსის" წინააღმდეგ მან საკმაოდ დამაჯერებლად ითამაშა და გოლიც გაიტანა.

სამეფო კლუბის მთავარმა მწვრთნელმა ყველა ფეხბურთელს მისცა შანსი, მათ შორის არბელოასაც. ესპანელმა მცველმა ეს შანსი დიდებულად გამოიყენა. მან ყველას აჩვენა, რომ იმსახურებს "ბლანკოსის" შემადგენლობაში თამაშს.

ალვარო მადრიდელებს ამსტერდამში დაეხმარა. იგი ამსტერდამ არენაზე პირველივე წუთებიდან თამაშობდა. არბელოას გატანილმა გოლმა "რეალს" ხელი შეუწყო, მატჩის სადავეები ხელში ჩაეგდო. როგორც მოურინიომ განაცხადა, იგი ვარჯიშებზე ბოლომდე იხარჯება და სწორედ ამან განაპირობა ის, რომ არბელოა ფორმას არ კარგავს. ერთი სიტყვით ესპენეთის ეროვნული ნაკრებისა და მადრიდის "რეალის" მცველმა ჟოზე მოურინიოს გულის მოგება მოახერხა.