ნატურალიზირებული გერმანელი ფეხბურთელის მესუთ ოზილის მადრიდის "რეალში" გადმოსვლამ ძალიან დიდი მითქმა-მოთქმა გამოიწვია.

თავიდან მადრიდელთა "23"-ე ნომერს აკრიტიკებდნენ. გულშემატკივარი ფიქრობდა, რომ იგი ვან დერ ვაარტს ვერ შეცვლიდა. თუმცა პირველივე მატჩში ოზილმა დაამტკიცა, რომ იგი სამეფო კლუბში თამაშის ღირსი ნამდვილად არის.

რამოდენიმე ხანში, მისი თამაშის სტილი, მადრიდული კლუბის ლეგენდის, ხოსე მარია გუტიერესის სტილს შეადარეს. ფანები აცხადებდნენ, რომ მესუთს გუტისნაირი პასი, მოედნის ხედვა, დარტყმა და ორიგინალური ქმედებები ახასიათებს.

გავიხსენოთ თუნდაც ის ფაქტი, როდესაც გუტიმ ქუსლით ბენზემას დაუტოვა ბურთი და ფრანგმა ფორვარდმა გოლის გატანა უპრობლემოდ მოახერხა. დაახლოებით იგივე ვითარებაში აღმოჩნდა კარიმი ჩემპიონთა ლიგის წინა ტურში, თუმცა ამჯერად გუტის ადგილას ოზილი იყო.