ამსტერდამ არენაზე მოპოვებული გამარჯვებით ჟოზე მოურინიო გახარებული იყო.

"ძალიან გამახარეს არბელოამ, ბენზემამ, ალბიოლმა და ლასმა. ისინი იშვიათად თამაშობენ, მიუხედავად ამისა გუშინდელი შეხვედრა მათ მაღალ დონეზე ჩაატარეს. დარწმუნებული ვარ, რომ ამ შემადგენობით დიდ წარმატებებს მივაღწევ. ფეხბურთელებს ჩემი გამხნევება არ სჭირდებათ კლასიკოსთან დაკავშირებით. მე მათი მჯერა, რადგან ყველამ იცის თუ როგორ უნდა მოიქცეს სტადიონზე."

"ამსტერდამელების წინააღმდეგ მატჩში მე მარტო რამოსთან და ალბიოლთან არ მისაუბრია. ხშირად ვაჩერებდი თითო-თითო ფეხბურთელს და პირად დავალებებს ვაძლევდი. წუხელ გუნდმა დიდებული თამაში შემოგვთავაზა. ოთხი გოლის გატანა ისეთი გუნდის კარში, როგორიც "აიაქსია", მოწმობს იმას, რომ მადრიდისტების შეჩერება წელს ძალიან რთული იქნება."

"რაც შეეხება კარიმ ბენზემას, მე მისი თამაში მომეწონა. იგი ყოველ მომენტში ბოლომდე იბრძოდა და შეტევის ორგანიზებასთან ერთად შავ სამუშაოსაც ასრულებდა. ბენზემა გახარებული იყო გატანილი გოლით. მე ვთვლი, რომ იგი "აიაქსის" წინააღმდეგ ერთ-ერთი საუკეთესო იყო. მან თამაშის ხარისხი გამოასწორა. ფრანგი ფორვარდი ძალიან ბოლო დროს ძალიან ბევრს ვარჯიშობდა, რამაც გუშინდელ მატჩში ძალიან ბევრი რამ გადაწყვიტა."

"გუნდის თითოეული წევრი ჩემთვის უმნიშვნელოვანესია. თავის გამოჩენის შანსს ყველას მივცემ. მოთამაშეები თავდაუზოგავად შრომობენ და ჩემ ყველა დავალებას პირნათლად ასრულებენ. მოხარული ვარ გუნდში ასეთი დამოკიდებულებით, ჩემ მიმართ. მადრიდის "რეალში" მუშაობა უდიდეს სიამოვნებას მანიჭებს."

"ბოლო წუთზე მიღებული ორი წითელი ბარათი მორიგი ტაქტიკური სვლა იყო. ჩვენ ჯგუფური ეტაპი უკვე გადავლახეთ და არ მინდა მერვედ ფინალში რომელიმე ფეხბურთელი დამაკლდეს. სერხიო რამოსი და ხაბი ალონსო გუნდის უცვლელი მოთამაშეები არიან. მათზე ძალიან ბევრი რამ არის დამოკიდებული. ისინი "ოსერის" წინააღმდეგ შეგნებულად არ ითამაშებენ, რადგან ესეც ჩემი დავალება იყო."

"ელ კლასიკო ჩემში დიდ ინტერესს იწვევს. სრულიად არ მადარდებს, რომელი გუნდი როგორი შედეგებით მივიდა ამ დღემდე. დარწმუნებული ვარ, რომ "რეალიც" და "ბარსელონაც" კარგ თამაშს გვაჩვენებს და ორივე გუნდი ბოლომდე დაიხარჯება. იმედი მაქვს გამარჯვებას სამეფო კლუბი მოიპოვებს."