მას შემდეგ, რაც სათასო შეხვედრაში სამეფო კლუბის ესპანელმა მოთამაშემ, ესტებან გრანერომ ეფექტური გოლი გაიტანა, ჟოზე მოურინიოს ნდობა უფრო მეტად დაიმსახურა. ესტებანი ზედიზედ რამდენიმე შეხვედრას ატარებდა სათადარიგოთა სკამზე, ახლა კი მას მეორე ტაიმში ხშირად ეძლევა შანსი...

ამსტერდამის "აიაქსთან" შეხვედრაში სავარაუდოა, რომ ჟოზე მოურინიო გუნდის რამდენიმე წამყვან მოთამაშეს დაასვენებს. გონსალო იგუაინი და სამი ხედირა ისედაც ტრავმირებულები არიან და მათი თამაში გამორიცხულია.

არის ვარიანტი, რომ სასტარტოში ვიხილოთ ესტებანი, რადგან იგი ყოველთვის დამაჯერებლად გამოდის შეცვლებზე და ჟოზეს სიმპათიებს იმსახურებს. ახალგაზრდა "კანტერანო" თითოელ ვარჯიშზე ბოლომდე იხარჯება და ცდილობს პორტუგალიელი სპეციალისტის ნდობით აღჭურვას.