მოგეხსენებათ, გონსალო იგუაინმა და სამი ხედირამ ბილბაოს "ატლეტიკთან" შეხვედრის დროს მცირე დაზიანებები მიიღეს. ცნობა იმის შესახებ, რომ არგენტინელი და გერმანელი ვერ მოახერხებდნენ "აიაქსთან" თამაშს 2 დღის წინ იყო უკვე ცნობილი, მაგრამ ჟოზეს მაინც ჰქონდა იმის იმედი, რომ ხედირა მაინც მოახერხებდა მწყობრში ჩადგომას თუმცა ეს ასე არ მოხდა...

ამსტერდამელებთან მადრიდელებს ორი ძირითადი შემადგენლობის მოთამაშე დააკლდებათ, მათ სავარაუდოდ კარიმ ბენზემა და ლასანა დიარა ჩაანაცვლებენ. არის ვარიანტი, რომ ნახევარდაცვაში მაჰამადუ გამოჩნდეს, ეს უკვე პორტუგალიელ სპეციალისტზე იქნება დამოკიდებული.

"ელ კლასიკოსთვის" პიპიტაც და ხედირაც სრულ მზაყოფნაში იქნებიან. საგანგაშო არაფერია, "აიაქსთან" შეხვედრა თითქმის ფორმალურ ხასიათს ატარებს, რადგან მადრიდელებს 1/8 ფინალის საგზური უკვე განაღდებული აქვთ.