ხორხე ვალდანომ მატჩის დასრულების შემდეგ კომენტარი გააკეთა.

"ჩვენ კარგად ვითამაშეთ, თუმცა ხშირად რისკზე წასვლა აუცილებელია. შეხვედრა წყნარად ჩავატარეთ და დამაკმაყოფილებელი ანგარიშით გავიმარჯვეთ. ვფიქრობ ფანებმა ისიამოვნეს."

"მწვრთნელი დარწმუნებული იყო იმაში, რომ ამ გუნდს დაამარცხებდა, რადგან იცოდა, რომ ეს მატჩი რთული არ იქნებოდა. ჩვენ სწრაფი ფეხბურთი ვითამაშეთ და ვფიქრობ ასეთი "რეალის" შეჩერება არავის შეუძლია."

"მინდა ძალიან დიდი მადლობა გადავუხადო იმ ხალხს, რომელიც სტადიონზე მოვიდა. აქ იყო ძალიან ბევრი ახალგაზრდა მადრიდისტა, რომელიც მთელი მატჩის განმავლობაში ფეხზე იდგა და სამეფო კლუბს გულშემატკივრობდა."

"მედიას აინტერესებს ბენზემას და პედრო ლეონის მდგომარეობა. ჟოზე მოურინიომ ეს ორი ფეხბურთელი გუშინ გამოცადა და მათ დაამტკიცეს, რომ თეთრი მაისურის ტარების ღირსები არიან. მიუხედავად ამისა, წინასწარ არანაირი კომენტარის გაკეთებას აზრი არ აქვს."

"დი მარია უფრო და უფრო უმატებს, რაც ძალიან სასიამოვნოა ჩვენთვის. გულშემატკივრების გულები ამ კლუბში წლების მანძილზე ბევრმა ფეხბურთელმა მოიგო, მათ შორის არის ანხელ დი მარიაც, რომელმაც ფანებს თავი ძალიან მალე შეაყვარა."