დიდი მითქმა-მოთქმაა გამოწვეული იმის შესახებ, რომ სამეფო კლუბის ფრანგი მოთამაშე, კარიმ ბენზემა ზამთრის სატრანსფერო ფანჯრის დროს "ბლანკოსის" რიგებს დატოვებს, მაგრამ დღეს ვრცელდება ინფორმაცია, რომ ჟოზე მოურინიო მას ასე იოლად არ შეელევა...

ამჟამად "მერენგებში" მხოლოდ ორი ფორვარდი ირიცხება, კარიმისა და გონსალო იგუაინის სახით, სეზონი გრძელი და მომქანცველია და მხოლოდ იგუაინს არ შეუძლია მუდამ სასტარტოში ყოფნა. ბენზემა თავის მხრივ შანსს ელოდება, რომელიც აუცილებლად უნდა გამოიყენოს.

დღეს გავრცელებული ინფორმაციით, ახალგაზრდა ფეხბურთელი გუნდს მინიმუმ ზაფხულამდე არ დატოვებს, მანამდე კი დრო აჩვენებს მის საფეხბურთო კლასს და იმას, მოერგება თუ არა იგი საბოლოოდ სამეფო კლუბს.