კრიშტიანუ რონალდუმ ”Daily Telegraph”-ას სასამართლო პროცესი მოუგო.

დავა აღნიშნული გამოცემის სტატიაში გამოქვეყნებულ ინფორმაციაზე მიდიოდა, რის თანახმადაც, ჟურნალისტი პორტუგალიელს ბრალს დებდა იმაში, რომ 2008 წელს, როდესაც რონის ტრავმა აწუხებდა, ის მკურნალობას ღამის კლუბებში სიარულსაც უთავსებდა.ამის პარალელურად ”პოსტში” არა ერთი შეუფერებელი რამ ეწერა მეგა-ვარსკვლავზე.

ფეხბურთელის ადვოკატმა, ალან დუნლავიმ, მოსამართლე ”Daily Telegraph”-ის სიცრუეში დაარწმუნა, რის შედეგადაც, ინგლისურ ჟურნალს ბოდიშის მოხდა და მოთამაშისთვის კომპენსაციის გადახდა დაევალა.რონის დამცველის განცხადებით, ნახსენები სტატია ფეხბურთელის ღირსებისა და პატივის შემლახველია.