მადრიდის "ატლეტიკოს" ესპანელმა ფეხბურთელმა, ხოსე ანტონიო რეიესმა განაცხადა, რომ ახლანდელი მადრიდი იმდენად ძლიერია, რომ მისი დამარცხება ფაქტიურად წარმოუდგენელია, ნახევარმცველის თქმით, ამ გუნდს ჟოზეს ხელი აშკარად დაეტყო...

"დღევანდელი სამეფო კლუბი უბრალოდ დაუმარცხებელია, არამგონია ამ გუნდთან 3 ქულის მოპოვება ვინმემ შეძლოს, ძალიან გაგვიჭირდა თამაში, ასე ცუდად დიდი ხანია არ გვითამაშია, თანაქალაქელებმა მართლაც დამსახურებულად გაიმარჯვეს."

"მქონდა რამდენიმე მომენტი, მაგრამ რეალიზება ვერ მოვახერხე. ერთი გოლი, რომ გაგვეტანა მატჩის სცენარი სულ სხვანაირად წარიმართებოდა, მაგრამ რას ვიზამთ, მეტოქე აშკარად უფრო ძლიერი იყო და სწორედ მათ მოიპოვეს მორიგი 3 ქულა."

"ჟოზე მოურინიო სამეფო კლუბში დიდ სამუშაოებს ატარებს და ეს "მერენგებს" უკვე ეტყობათ, წელს ლა ლიგის მთავარი ფავორიტი სწორედ "რეალია" და არა კატალონიის "ბარსელონა", ჩვენ განვაგრძობთ ბრძოლას ოთხეულში მოხვედრისათვის."