ჟოზე მოურინიომ, მადრიდული დერბის დასრულების შემდეგ თავისი შეგირდების გარჯა შეაფასა.

”დროა ვისწავლოთ, თუ როგორ უნდა ვაკონტროლოთ მატჩი 90 წუთის განმავლობაში.”ბერნაბეუზე” ჩვენ ისეთი მეტოქე გვყავდა, რომელიც არ გვაძლევდა საშუალებას პირველ ნომრად თამაშისა.მეორე ნახევარში განზრახ დავაგდეთ ტემპი, რათა სადავეები ხელიდან არ გაგვეშვა.ამასთანავე მოედანზე ისეთი ფეხბურთელები შევუშვი, რომელიც მოწინააღმდეგეს კომფორტულად გადაადგილების საშუალებას არ მისცემდა.დიარამ, ალონსომ და ხედირამ ბრწყინვალედ გაართვეს თავი დაკისრებულ მოვალებებს.”

”წლეულს ”ატლეტიკო” ყველაზე რთული მეტოქეა იმ გუნდებიდან, რომლებსაც ”ბერნაბეუზე” ვუმასპინძლეთ.მადრიდში ”მილანიც” იყო ჩამოსული, მაგრამ იტალიელებს ისეთი სწრაფი ფეხბურთელები არ ჰყავთ, როგორც ესპანელებს.აღსანიშნავია, რომ ”წითლებს” საკმაოდ ძლიერი მწვრთნელი უდგათ სათავეში.”

”ჩვენ შეიძლება ”მურსიასთანაც” დავმარცხეთ და ”სპორტინგთანაც.””რეალის” ძლევისათვის მოწინააღმდეგეს მოტივაცია, დიდი ძალების გაღება და ფორტუნა სჭირდება.რა თქმა უნდა, ფეხბურთში ყველაფერი ხდება, მაგრამ მე და ჩემი შეგირდები ამას არ დავუშვებთ.”

”არ მაღელვებს ის ფაქტი, თითქოსდა ”რეალი” მატჩის ბოლომდე იერიშებს არ აწარმოებდა.ორი გოლის გატანის შემდეგ, ჩვენ დავიწყეთ ფიქრი, თუ როგორ უნდა აღგვეკვეთა თანაქალაქელების შეტევები.თუ იქნება შესაძლებლობა 3,4 და 5 ბურთებსაც შევყრით, მაგრამ თუ არა, 2 გავითანთ და ანგარიშს შევინარჩუნებთ.”

”ასევე მინდა აღვნიშნო, რომ 2-0 საკმაოდ სახიფათოა, რამეთუ ფეხბურთში ყოფილა პრეცენდენტები, როდესაც ორბურთიანი სხვაობით აგებდა გუნდი, მაგრამ საბოლოოდ მის სასარგებლოდ დამთავრებულა თამაში.”

”მცველები კიდევ არა ერთხელ გამოიჩენენ თავს.ჩემს მიერ დარიგებულ კლუბებში, დაცვითი სტილის მოთამაშეები სეზონის მიწურულ,ს 4-5 გოლს მოითვლიან.კარვალიომ უკვე მეორე გოლი გაიტანა, რაც ალბათ, მისი ამპლუის ფეხბურთელისათვის არ არის დამახასიათებელი.ვგონებ, დერბის საუკეთესი მოთამაშენი, რიკარდო და ხედირა არიან.შესაძლებელია მათი მუშაობა არ ჩანს, მაგრამ ისინი ყოველთვის დიდ და რთულ სამუშაოს ასრულებენ.”

”სიმართლე გითხრათ, ფორვარდების გარჯა მომეწონა.იგუაინიცა და ქარიმიც ზედმიწევნით ასრულებდნენ ჩემს დავალებებს.პიპიტას მეორე ნახევარში ლამაზი ბურთის შეგდება შეეძლო, თუმცა მეტოქე ძელმა იხსნა.ბენზემაც მშვენივრად ჩაერთო მატჩში და ერთი-ორჯერ გამჭოლი პასის გაკეთებაც ითავა.ვფიქრობ, ”მურსიასთან” ის პირველი წუთებიდან ითამაშებს.ჩვენ ბოლომდე ვენდობით ფრანგს.”

”რონალდუ გუნდური მოთამაშეა, რაც კარგად გამოჩნდა ”ატლეტიკოსთან” დაპირისპირებაში.ყოველ შეხვედრაში მისგან არ ველოდები მოედნის ცენტრიდან ბურთის წამოღებას და გოლის გატანას.რონი თითოეულ თამაშში ბოლომდე იხარჯება.მეამაყება, რომ ასეთი დიადი მოთამაშის დამრიგებელი ვარ.”

”ლასიც და გრანეროც თავიანთი საქმის უდავო პროფესიონალები არიან.ძალიან მიჭირს შემადგენლობის არჩევა, რამეთუ ჩემს განკარგულებაში ბევრი ნიჭიერი ფეხბურთელია.ჯერ აღნიშნული ნახევარმცველები დრო არ დამდგარა, მაგრამ სეზონი გრძელია.”