გონსალო იგუაინმა ხუთ მადრიდულ დერბიში მიიღო მონაწილეობა და ოთხჯერ შეძლო თავის გამოჩენა.

პიპიტას გოლების იდილია ”ატლეტიკოს” წინააღმდეგ 2007 წელს დაიწყო.არგენტინელი სამეფო გუნდში რამდენიმე კვირის მოსული იყო, როდესაც თანაქალაქელების დამწუხრება შეძლო.მაშინ, გონსალომ მარცხისგან იხსნა თავისი კლუბი.

მომდევნო ბურთი, პიპიტამ ”წითლების” კარის ბადეში 2008-09 წლების სეზონში გახვია.”ვისენტე კალდერონზე” 94 წუთამდე ფრე იყო დაფიქსირებული, თუმცა მსაჯის მიერ ბოლო დამატებით წუთზე, სამხრეთ ამერიკელმა პენალტი გამოიმუშავა და მისი რელიზება წარმატებით მოახდინა.

გასულ სეზონში გამართულ ორივე დერბიში გაიტანა გოლები იგუმ.მან როგორც ”კალდერონზე,” ასევე ”ბერნაბეუზეც” შეძლო ერთ-ერთი ბურთის შეგდება.

იმედია, დღეს კვლავ შეძლებს ”ატლეტიკოს” დამწუხრებას.