კარლო ანჩელოტის სანერვიულო არ აკლდება.

გავრცელებული ინფორმაციით, კაზემიროს კუნთთან დაკავშირებული პრობლემები აქვს, რის გამოც ის „ოსასუნასთან“ ხვალინდელ დაპირისპირებას გამოტოვებს და ამ ეტაპისათვის, ბრაზილიელის მონაწილეობა ჩემპიონთა ლიგის ნახევარფინალურ პაექრობაშიც კითხვის ნიშნის ქვეშ დგას.

საყრდენ ნახევარმცველს დისკვალიფიკაციის გამო არ უასპარეზია „სევილიას“ წინააღმდეგ. მან ჩვეულ რეჟიმში იმუშავა გუშინდელ სესიაზე, თუმცა ვარჯიშის დასრულების შემდეგ, დისკომფორტი იგრძნო. უკვე დღეს კაზემირო თანაგუნდელების გვერდით არ გამოჩენილა.