ბენზემა: გუნდი სრულად გადაერთო "ერკულესზე"
სამეფო კლუბის ფრანგმა ფორვარდმა, კარიმ ბენზემამ განაცხადა, რომ "მურსიასთან" ვერ მოგებული თამაში არაფერს ნიშნავს, რადგან განმეორებითი ბრძოლა სანტიაგო "ბერნაბეუზე" გაიმართება, სადაც "ბლანკოსი" წარმატებას მიაღწევს და მომდევნო ეტაპზე გავა. ახლა კი წინ ალიკანტეს "ერკულესია", რომელსაც გრანდებთან წარმატებით თამაში სჩვევია...
"მურსიასთან უიღბლობის გამო ვერ გავიმარჯვეთ, განსაკუთრებით პედრო ლეონის მომენტს გამოვყოფდი, იქ უბრალოდ ფორტუნა იყო მასპინძელთა მხარეს, მაგრამ დამერწმუნეთ მადრიდში ჩვენ მათ დავამარცხებთ და მომდევნო ეტაპის საგზურს ძალიან მარტივად მოვიპოვებთ, ყველაფერი წინ არის."
"სულ მალე ალიკანტელებთან გვიწევს თამაში და იქ უკვე ნამდვილად უნდა ვიბრძოლოთ სამი ქულის მოსაპოვებლად, რადგან სხვა გზა უბრალოდ არ გვაქვს, ჩვენ ესპანეთის ჩემპიონატის ლიდერები ვართ და პოზიციები გასამყარებელია."
"გოლების გატანას აუცილებლად დავიწყებ, სამწვრთნელო შტაბი მენდობა და ჩემგან რა თქმა უნდა მეტს ელიან, ყველაფერს ვაკეთებ თამაშის ხარისხის გამოსასწორებლად."
- 28 ოქტომბერი 2010
- 1820
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
