სამეფო კლუბის წინა ხაზში არანაირი პრობლემა არ არსებობს, ორმა მთავარმა შემტევმა ძალამ, კრიშტიანო რონალდომ და გონსალო იგუაინმა ამ სეზონში უკვე 15 გოლს მოუყარეს თავი, ისინი თითქმის ყველა თამაშში ამწუხრებენ მეტოქეთა კარს...

სამეფო კლუბმა ლა ლიგაში სულ 22 გოლის გატანა მოახერხა, აქედან კი 15 პორტუგალიელსა და არგენტინელს ეკუთვნით. რონალდოს ანგარიშზე 10 გოლია, ხოლო პიპიტა 5 გოლით იწონებს თავს. ჯერ სეზონის მხოლოდ დასაწყისია გასული, ლა ლიგის დაწყებიდან სულ რაღაც 8 ტური გავიდა, არგენტინულ-პორტუგალიური დუეტი კი მოწოდების სიმაღლეზე დგას.

შარშანდელ სეზონში ამ დუეტმა ბრწყინვალე შთაბეჭდილება დატოვა. მაშინ იგუაინმა 27 გოლის გატანა მოახერხა, კრიშტიანომ კი 25-ის. ამ შედეგის გაუმჯობესება წლევანდელ სეზონში რა თქმა უნდა ურთულესი იქნება, მაგრამ ფეხბურთელები ყველაფერს გააკეთებენ ამისათვის.

კრიშტიანოსა და გონსალოს, მესუთ ოზილი, ანხელ დი მარია, კარიმ ბენზემა და რიკარდო კარვალიოც დაეხმარნენ რამდენიმე გოლით. მესუთის , ანხელის, კარიმის და რიკარდოს ანგარიშზე ჯამში 7 გოლია.������� dle 10.1������� ������� ������