მესუთ ოზილი გუნდის საუკეთესო ასისტენტია
ლა ლიგა "ფორმაში შედის" ჩემპიონატი "გახურებულია" და უკვე თამამად შეგვიძლია გარკვეულ სტატისტიკებზე საუბარი, ტრანსფერების გამართლებაზე და კიდევ ბევრ რამეზე ბჭობა. ესპანელ სტატისტიკოსებს კი არ გამორჩენიათ მესუთ ოზილის მარგი ქმედების კოეფიციენტი. გერმანელი ფეხბურთელი "ბლანკოსის" საუკეთესო ასისტენტად მოგვევლინა...
ოზილის ტრანსფერს ბევრი სკეპტიკურად უყურებდა, ახალგაზრდა ფეხბურთელი კი თამაშიდან თამაშამდე უმატებს და ყველას უმტკიცებს, რომ მასში გადახდილი თანხა გადაყრილი არ არის და იგი მადრიდის "რეალისთვის" ბევრ რამეს გააკეთებს.
მესუთის ანგარიშზე უკვე 3 საგოლე გადაცემაა. გუნდმა ლა ლიგაში 12 გოლის გატანა მოახერხა, აქედან 3 გოლში უდიდესი როლი სწორედ გაგერმანელებულ თურქს ეკუთნვის.
ნახევარმცელმა თავის აქტივში ერთი გოლის ჩაწერაც მოასწრო, მან ლაკორუნიის დეპორტივოს კარის აღება საკმაოდ ლამაზად მოახერხა.
ასევე ნიშანდობლივია ერთი ფაქტი, ხანდახან იყო მომენტები, როდესაც მესუთი საგოლე გადაცემას არ აკეთებდა, მაგრამ უმწვავეს შეტევას იწყებდა. ასე, რომ არც ამ კარგი თვისების დაკარგვა შეიძლება, 21 წლის ფეხბურთელი "ბლანკოსს" იდეალურად მოერგო.
- 13 ოქტომბერი 2010
- 1766
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
