მადრიდის ”რეალის” პორტუგალიელმა სუპერვარსკვლავმა კრიშტიანუ რონალდუმ განაცხადა, რომ იგი თანდათანობით კვლავინდებურ ფორმას უბრუნდება.

კრიშტიანუ რონალდუ:”მიხარია, რომ ”რეალი” კვლავინდებურ ფორმას უბრუნდება ისევე, როგორც პორტუგალია. რამოდენიმე თამაშია უკვე გოლებს ვიტან, რაც ჩემზე ფსიქოლოგიურად მოქმედებს. ”ბლანკოსს” ჰყავს ბევრი კარგი ფეხბურთელი და მათ ხარჯზე ჩვენ ვახერხებთ თამაშების მოგებას. ბედნიერი ვარ, რომ ამაში ჩემი წვლილიც არის”.

”გუნდთან ერთად კვლავინდებურ ფორმას თანდათანობით მეც ვუბრუნდები. ვარჯიშებზე უმოწყალოდ ვირჯები, რის გამოც დავიმსახურე მოურინიოს შექება. პორტუგალიელი შესანიშნავად გვავარჯიშებს და გამოსადეგ რჩევებსაც გვაძლევს”. - ამ სიტყვებით შეაქო პორტუგალიელმა მოურინიო.