ყველამ იცის, რომ მოურინიო შემდეგი სეზონისათვის ფორვარდის დამატებას აპირებს, მის სიაში სხვა ფეხბურთელებთან ერთად ფერნანდო ლორენტეც მოხვდა, რომელმაც მცირე კომენტარი გააკეთა ამის შესახებ გამომცემლობა "AS-თან".

"ბოლო დროს გახშირდა ხმები, თითქოს მადრიდის რეალი ჩემს შეძენას აპირებს, ეს იმას ნიშნვავს, რომ ჩემს სამუშაოს კარგად ვასრულებ. სასიამოვნოა, როდესაც გრანდები ფეხბურთელის მიმართ ინტერესს იჩენენ, თუმცა ატლეტიკში თავს შესანიშნავად ვგრძნობ და კონტრაქტის ამოწურვამდე (2013 წლამდე), არსად წასვლას არ ვაპირებ. ვნახოთ რა მოხდება მომავალში."

აღსანიშნავია ის ფაქტიც, რომ ლორენტეს სატრანსფერო ფასი დაახლოებით 36 მლნ. ევროა, ფლორენტინო პერესს კი ამხელა თანხის გაღება ბასკ ფეხბურთელში არ სურს. თავად ფერნანდო კი გულშემატკივრებისა და ექსპერტების გულს გატანილი გოლებით იგებს. იმ შემთხვევაში თუ ესპანელი სამეფო კლუბს შეუერთდება, რეალის დატოვება კარიმ ბენზემას მოუწევს, რომელიც უკვე სურს: მანჩესტერ იუნაიტედს, სიტის, ინტერს, იუვენტუსს და ტოტენჰემს.