მადრიდის "რეალის" მთავარმა მწვრთნელმა, ჟოზე მოურინიომ ბეილის შესაძლო ტრანსფერზე ისაუბრა.

როგორც იცით, უკვე დიდი ხანია საუბარი მიდის იმაზე, რომ მადრიდის "რეალი" 21 წლის უელსელი ფეხბურთელით დაინტერესდა და მის შეძენას ზამთრის სატრანსფერო პრიოდში აპირებენ. ამ ფაქტს გამოეხმაურა მოურინიო და განაცხადა, რომ ბეილის ადგილი მის გუნდში არ მოიძებნება.

"სამეფო კლუბს მარცხენა ფლანგზე მოთამაშე ფეხბურთელები არ სჭირდება. მე მყავს ბრაზილიელი მარსეო, რომელიც დიდებულად თამაშობს. იგი დღითი დღე პროგრესირებს. მარსელო გუნდს როგორც დაცვაში, ასევე შეტევაშიც შესანიშნავად ეხმარება და სწორედ ამიტომ, მინდა ყველას ვუთხრა, რომ ბეილის შეძენას არ ვაპირებ. ამჟამინდელი შემადგენლობით კმაყოფილი ვარ. როდესაც მადრიდში ჩამოვედი, დარწმუნებული ვიყავი, რომ მარსელო ჩემი გუნდის უცვლელი ფიგურა გახდებოდა და ეს ასეც არის. მან უკვე არაერთხელ დამიმტკიცა, რომ ძირითადი შემადგენლობის ფეხბურთელია."