ოზილი: უდიდეს გუნდში ვთამაშობ
მადრიდის "რეალის" გერმანელმა ფეხბურთელმა, მესუთ ოზილმა განაცხადა, რომ ამჟამად მსოფლიოს ერთ-ერთ საუკეთესო გუნდში თამაშობს და ეს მისთვის საამაყოა. დეპორტივოსთან 6-1 გამარჯვებაში მესუთმა უდიდესი როლი ითამაშა და გოლიც გაიტანა, იგი უბედნიერესი იყო. ახალწვეულმა გამომცემლობა "ას"-ის ჟურნალისტებს ინტერვიუ მისცა...
"ამაყი ვარ იმით, რომ სამეფო კლუბის ღირსებაც ვიცავ და ამ გუნდის სასტარტო შემადგენლობის წევრი ვარ, მე ამ გუნდის ნაწილი ვარ და ეს ყველაფერი ბევრს ნიშნავს ჩემთვის, სწორედ ამიტომ მინდოდა ესპანურ გრანდში გადმოსვლა, ბედნიერი ვარ."
"გუნდის წინსვლა წარმატებით მიმდინარეობს და დარწმუნებული ვარ მალე უმაღლეს შედეგს მივაღწევთ. გოლების გატანა დავიწყეთ და ამაზე ლაკორუნიის დეპორტივოსთან მატჩიც მეტყველებს, მეტოქეს არაფერი დავუთმეთ და ჩვენი თამაში შევთავაზეთ, შედეგმაც არ დააყოვნა. ვგონებ, ცოტა ხანში კიდევ უფრო კარგად ვითამაშებთ და გავახარებთ გულშემატკივრებს."
"მე მოვახერხე პირველი გოლის გატანა "თეთრების" შემადგენლობაში. როდესაც ბურთმა კარის ხაზი გადაკვეთა ძალიან ბედნიერი ვიყავი და შესანიშნავი გრძნობა დამეუფლა. არ ვაპირებ ამ შედეგზე გაჩერებას, მე ვაგრძელებ მუშაობას."
- 8 ოქტომბერი 2010
- 1547
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
