იკერი:,,მბაპესთან ერთად რეალი სულ სხვა გუნდი იქნება"
იკერ კასილიასის აზრით, მადრიდის „რეალი“ ახალ სეზონში საუკეთესო ფეხბურთს ითამაშებს.
„მას შემდე,გ რაც კრიშტიანო რონალდუმ „რეალის“ რიგები დატოვა, 6 წელი გავიდა და გუნდმა ისწავლა მის გარეშე თამაში. გაიზარდა ვინისიუსი, გუნდს დაემატა ბელინგემი, შესანიშნავი პროგრესი აჩვენა როდრიგომ და ანჩელოტიმ 2-ჯერ მოიგო ჩემპიონთა ლიგა, რაც უდიდესი მიღწევაა, თუმცა სამეფო კლუბს არ ჰყოლია მეგავარსკვლავის სტატუსის მქონე ფეხბურთელი.“
„რონალდუს წასვლის შემდეგ მადრიდისტები გახდნენ ლუკა იოვიჩი და ედენ აზარი, მაგრამ ვერცერთმა მათგანმა ვერ გაამართლა.“
„ის, რომ გასული სეზონის ჩემპიონთა ლიგის 1/4 ფინალში მანჩესტერ „სიტის“ ფავორიტის სტატუსი ჰქონდა, სრულიად ბუნებრივი იყო, რადგან „რეალის“ წინა ხაზში არსებული რესურსი ვერ აკმაყოფილებდა სტანდარტს, რომელიც მსოფლიოს საუკეთესო კლუბშია საჭირო.“
„რას ვხედავთ დღეს? მბაპე მადრიდელია, რაც გუნდის შეტევას მნიშვნელოვან რესურსს მისცემს. „ბლანკოსი“ გახდება უფრო აგრესიული, ენერგიული და ბევრი გოლის გამტანი. დარწმუნებული ვარ, 21-ე საუკუნის სტატისტიკა, რომელიც ლა ლიგაში არსებობს, აუცილებლად გამოსწორდება და „რეალის“ თასების რაოდენობა მომდევნო 5-6 წლის განმავლობაში მკვეთრად გაიზრდება.“
„კილიანი ნამდვილად იქნება „ბარსელონას“ თავის ტკივილი. იმ ფონზე, რომ კატალონიელებს პრობლემები აქვთ, „რეალი“ შემადგენლობას აძლიერებს, არსებული რესურსი კი კიდევ უფრო გამოცდილი ხდება.“
„მაქვს ილუზია იმისა, რომ მომდევნო სეზონში სამეფო კლუბის საოცარი ბენეფისი ვნახო, როგორც ლა ლიგაში, ასევე ჩემპიონთა ლიგაზე.“
- 2 ივლისი 2024
- 16504
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.