იორო თანახმაა, „ლილთან“ მოლაპარაკებები 40 მილიონზე მიმდინარეობს
ესპანური გამოცემების ცნობით, ლენი იორო მადრიდის „რეალში“ გადასვლაზე თანახმაა. ხუნი კალაფატისა და ლენის წარმომადგენლების, მათ შორის ოჯახის წევრების შეხვედრამ იდეალურად ჩაიარა და კონკრეტული შედეგები გამოიღო.
არსებული ცნობით, ფლორენტინო პერესმა „ლილის“ ხელმძღვანელობას უკვე ოფიციალურად მიმართა.
გამომდინარე იქედან, რომ ინგლისის პრემიერლიგის 3 გუნდი ლენის სანაცვლოდ 60 მილიონ ევროს იხდის, „ლილის“ მოთხოვნები „რეალის“ მიმართაც გაზრდილია.
აქამდე პერესის წინადადება 30 მილიონიანი იყო, ახლა კი 40 მილიონიანია, თუმცა პირველ ეტაპზე „რეალი“ 35 მილიონს გადაიხდის, ხოლო 5 მილიონს იმ შემთხვევაში დაამატებს, თუ „რეალი“ მომდევნო 3 სეზონის განმავლობაში ერთხელ მაინც მოიგებს ლა ლიგას, რაც იმას ნიშნავს, რომ „ლილი“ ამ თანხასაც ყველა შემთხვევაში მიიღებს.
იორომ ფრანგულ კლუბს უთხრა, რომ მისი მიზანი ბერნაბეუზე თამაშია, სწორედ ამიტომ სხვა გუნდების წინადადებები არ განიხილება.
ესპანური გამოცემების ცნობით, „რეალმა“ ტრანსფერი მალე უნდა დაასრულოს.
- 2 ივლისი 2024
- 1076
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.