ესპანური და ბრიტანული გამოცემების ცნობით, შესაძლოა მადრიდის „რეალის“ მეკარეებში მოულოდნელი ცვლილებები მოხდეს.

კეპა არიზაბალაგა გუნდს უკვე დაემშვიდობა, ვინაიდან საიჯარო ხელშეკრულება ამოეწურა და „ჩელსიში“ დაბრუნება უწევს, თუმცა ვითარება შესაძლოა შეიცვალოს.

ანდრეი ლუნინს კლუბთან კონტრაქტი ჯერ კიდევ არ გაუხანგრძლივებია და არ ადასტურებს არცერთ ინფორმაციას, რომელიც სიახლეებს უკავშირდება.

თუ ლუნინი წავა, „ბლანკოსს“ კვლავ მეკარის მოძიება მოუწევს, კეპა კი ბერნაბეუზე უკვე თამაშობდა და მეორე გოლკიპერის სტატუსს დათანხმდება, თანაც იმ ფონზე, რომ მომდევნო სეზონში „რეალს“ ძალიან ბევრი მატჩის ჩატარება მოუწევს და არიზაბალაგას შანსებიც გაიზრდება.

აქ გასათვალისწინებელია „ჩელსის“ ფაქტორიც და გარემოება, რომელიც ახალ იჯარას უკავშირდება. ჯერ-ჯერობით უცნობია, დათანხმდებიან თუ არა „არისტოკრატები“ კეპას კვლავ იჯარით წასვლას.������� dle 10.1������� ������� ������