მადრიდის "რეალისა" და ბრაზილიის ეროვნული ნაკრების ფეხბურთელი, რიკარდო კაკა, ნელ-ნელა ფიზიკურ ფორმას იბრუნებს.

როგორც იცით, კაკამ ოპერაცია გაიკეთა და იგი იძულებული გახდა ვარჯიში შეეწყვიტა. ახლა კი იგი უკვე სპორტულ დარბაზში ვარჯიშობს და ყველაფერს აკეთებს იმისათვის, რათა მალე დაუბრუნდეს გუნდს.

რიკარდოს განცხადებით, იგი ოცნებობს იმ მომენტზე, როდესაც ისევ გადადგამს ნაბიჯს მწვანე ბალახზე. ამისათვის კი იგი დღეში ექვსი საათი გამოსაჯანმრთელებელი პროგრამით ვარჯიშობს. ეს იმას მოწმობს, რომ ბრაზილიელი ვარსკვლავი მოუთმენლად ელის დაბრუნებას.