დრენტე ვალდესის კარის დალაშქვრას გეგმავს
ჰოლანდიელმა ფეხბურთელმა, როისტონ დრენტემ განაცხადა, რომ ყველაფერს იღონებს "ბარსელონას" დასამარცხებლად.
"ამჟამად მე ალიკანტეში ვცხოვრობ და ადგილობრივი კლუბის "ჰერკულესის" ღირსებას ვიცავ. ჩვენ ძალიან კარგი გუნდი გვყავს და დიდი სურვილი მაქვს მათთან ერთად "ბარსელონა" დავამარცხო. კატალონიური კლუბი მსფოლიოში საუკეთესოს წოდებას ატარებს და ძალიან მინდა ვიქტორ ვალდესს გოლი გავუტანო."
"აქ რაც შეიძლება ბევრი უნდა ვივარჯიშო, რათა სამეფო კლუბის ფეხბურთელებს დავუმტკიცო, რომ მაღალი დონის გუნდებთან თამაში შემიძლია. იმედი მაქვს მომავალ წელს ისევ თეთრ მაისურს მოვირგებ."
"ახლა მე მხოლოდ "ჰერკულესზე" ვფიქრობ, რადგან "რეალი" ჩემი წარსულია და არ მინდა წარსულზე ფიქრი. მე არ მაქვს იმის უფლება, რომ მოურინიო გავაკრიტიკო ან მისით უკმაყოფილო ვიყო. ჟოზე დიდებული მწვრთნელია, მან ჩათვალა, რომ ჯერ-ჯერობით ვერ გამომიყენებდა და სწორედ ამიტომ გამიშვა სხვა კლუბში."
- 9 სექტემბერი 2010
- 1854
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
