ხოსელუ:„„რეალს“ მსოფლიოს საუკეთესო გულშემატკივრები ჰყავს“
ხოსელუ მატომ მადრიდის „რეალის“ მორიგი გამარჯვების შემდეგ ჟურნალისტებთან ისაუბრა...
„ძალიან ემოციური მომენტები იყო, როდესაც გულშემატკივრებთან მივედით და მათთან ერთად გამარჯვება ვიზეიმეთ. „რეალს“ მსოფლიოში საუკეთესო გულშემატკივრები ჰყავს. ჩემპიონობას კიდევ უფრო მივუახლოვდით, რაც ძალიან გვახარებს.“
„გოლის გატანამ ძალიან გამახარა. ბერნაბეუზე მეტოქის კარის აღება ყოველთვის განსაკუთრებულ ემოციებს უკავშირდება.“
„ახლა ოთხშაბათის დაპირისპირებაზე უნდა გადავერთოთ. ძალიან მნიშვნელოვანია, რომ „ბაიერნთან“ დაპირისპირებას მოწოდების სიმაღლეზე შევხვდეთ.“
„ჩვენ გვყავს წარმოუდგენელი გუნდი, რომლის ახალგაზრდა თაობაც ძალიან მაღალ დონეზე ვითარდება. თაობათა ცვლა ამ გუნდს არ ეტყობა.“
„ტიბოს დაბრუნებას მთელი გუნდი მოუთმენლად ელოდა. ბელგიელი ფეხბურთელი მსოფლიოში საუკეთესოა.“
- 4 მაი 2024
- 588
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
