ანჩელოტი:,,ყველაფერი სუფთა ფურცლიდან იწყება"
კარლო ანჩელოტიმ „ბაიერნთან“ დაპირისპირების წინ პრესკონფერენცია გამართა.
„ძალიან ბევრი ადამიანი ფიქრობდა, რომ მადრიდის „რეალი“ 1/2 ფინალში ვერ გავიდოდა, მაგრამ ჩვენ აქ ვართ და დიდი შემართებით თამაშს ვაპირებთ. ის, რომ მეტოქე „ბაიერნია“, ჩვენ დამატებით მოტივაციას გვაძლევს. წარსულის შედეგები არ მაინტერესებს, ხვალ ყველაფერი სუფთა ფურცლიდან დაიწყება.“
„„რეკორდმაისტერს“ ჩემპიონთა ლიგაზე დიდი ისტორია აქვს. პატივს ვცემთ „ბაიერნს“ და ამ გუნდის შესაძლებლობებს. რა თქმა უნდა, „არსენალთან“ დაპირისპირების ორივე მატჩი გავარჩიეთ და ბევრი დასკვნა გამოვიტანეთ.“
„ფერლან მენდი და დეივისი? მე მხოლოდ ვსაუბრობ ფეხბურთელებზე, რომლებიც „რეალის“ ღირსებას იცავენ. საბედნიეროდ, ფრანგი ფორმაში ჩადგა და „ალიანც არენაზე“ გუნდის დახმარებას შეძლებს.“
„როგორც „რეალს“, ასევე „ბაიერნს“ შეუძლია რამდენიმე ტაქტიკის გამოყენება. ორივე გუნდის რიგებში ირიცხებიან სწრაფი, ტექნიკური და საშემსრულებლო ოსტატობით დაჯილდოებული ფეხბურთელები.“
„გერმანული ცოტა დამავიწყდა (იცინის), თუმცა არ დამვიწყებია ის დრო, რომელიც მიუნხენში გავატარე, ეს შესანიშნავი ქალაქია.“
„ჩუამენი ძალიან საიმედოა. საინტერესოა, რომ „რეალი“ არ აგებს მაშინ, როდესაც ფრანგი მატჩს სასტარტო შემადგენლობაში იწყებს, თუმცა რა თქმა უნდა, ეს არ არის გადამწყვეტი.“
„არ ვიცი, ვინ დაიწყებს ხვალ სასტარტო შემადგენლობაში თამაშს, ამაზე კიდევ ვფიქრობ.“
„შესაძლოა ბერნარდუ სილვა „ბლანკოსს“ უცნაურ გუნდად მიიჩნევს, მაგრამ მე მასთან არაფერი მაქვს სათქმელი. ჩვენ ისტორიის წერად განვაგრძობთ.“
„ძალიან მიხარია, რომ ედერ მილიტაო დაბრუნდა, მას უდიდესი გამოცდილება დაუგროვდა და გუნდის დაცვის ლიდერია. ასევე მიხარია კურტუას წინსვლა. ბელგიელი მოედანზე გასვლას მალე შეძლებს. არ ვიცი, ითამაშებს თუ არა მილი „რეკორდმაისტერთან“, თუმცა მისი მოედანზე გასვლა შესაძლებელია.“
„ტუხელის სიტყვები გნაბრიზე? მე მჯერა, რომ ვინისიუსი ძალიან ბევრ მომენტს შექმნის.“
„ტომასს დიდ პატივს ვცემ, მან არაერთ გრანდში იმუშავა და წარმატებებსაც მიაღწია, დარწმუნებული ვარ, გერმანელი სპეციალისტი არაერთხელ გაიმარჯვებს.“
„მატჩის წინ ყველა ფეხბურთელს ვეტყვი, რომ ძალები ირწმუნონ. „რეალს“ შეუძლია წარმატების მიღწევა და ჩვენ ყველა მომენტში ბოლომდე ვიბრძოლებთ.“
„სიურპრიზები? ბევრ ცვლილებას არ ვგეგმავ. „რეალს“ ექნება გეგმა, რომელმაც წარმატებამდე უნდა მიგვიყვანოს.“
„შურისძიება? „ბაიერნის“ მიმართ ცუდი განწყობა არ მაქვს. დიახ, შეიძლებოდა ჩემი მეტ ხანს დარჩენა, მაგრამ თითოეული მატჩი, რომელიც გერმანიაში ჩავატარე კარგად მახსოვს.“
- 29 აპრილი 2024
- 4686
- 12
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
