ტომას ტუხელმა „რეალთან“ დაპირისპირების წინ პრესკონფერენცია გამართა.

„„რეალში“ არაერთი საშიში ფეხბურთელი თამაშობს, მაგრამ აუცილებლად უნდა გამოვყო ჯუდ ბელინგემი, რომელიც ძალიან გაიზარდა და დიდი გამოცდილება მიიღო. ჩემი აზრით, ინგლისელის მიმართ განსაკუთრებული ყურადღების გამოჩენა გვმართებს.“

„მგონია, რომ სერჟ გნაბრი „ბლანკოსის“ კარში გოლს გაიტანს. არ ვიცი რატომ, თუმცა ასე ვფიქრობ.“

„თუ „რეალის“ დამარცხება გსურს, აბსოლუტური ბალანსი გჭირდება, ასევე იღბალი და შემართება. ჩვენ ძალიან ბევრი რამ გავარჩიეთ და გვჯერა, რომ სწორ ფეხბურთს ვითამაშებთ.“

„ბენზემა „რეალში“ აღარ არის, მაგრამ ამ გუნდს ჰყავს ჯუდი, რომელიც ეფექტურია, როგორც „9“-იანზე, ასევე „8“-იანზე, „6“-იანსა და სხვა პოზიციებზე.“

„კარლო ანჩელოტიმ ფეხბურთისთვის ძალიან ბევრი რამ გააკეთა. მსურს, ღიად მივმართო იტალიელ სპეციალისტს და მადლობა ვუთხრა იმ ღვაწლისთვის, რაც ფეხბურთის ჯერ ფეხბურთელის, ხოლო შემდეგ მწვრთნელის რანგში გაიღო. ის ძალიან ახლოს არის ლა ლიგის მოგებასთან, ჩემპიონთა ლიგაზე კი ნახევარფინალში იბრძვის.“

„ჩვენი ფეხბურთელები მოწოდების სიმაღლეზე დგანან, ვაცნობიერებთ, რამდენად რთული მეტოქე გვყავს, მაგრამ ამასთანავე ვიცით, რომ გამარჯვება გვჭირდება.“

„ეჭვი არ მეპარება, „ალიანც არენაზე“ სრული სიწითლე იქნება. გულშემატკივართა მხარდაჭერას ასეთ შეხვედრებში გადამწყვეტი მნიშვნელობა აქვს.“������� dle 10.1������� ������� ������