ალონსო:„თუ „რეალი“ ამას გააკეთებს, „სიტის“ დაამარცხებს“
ჩაბი ალონსო გერმანიის ჩემპიონია. ესპანელი ფეხბურთის სპეციალისტი „ლევერკუზენის“ ლეგენდა გახდა და ისტორიაში პირველად მოახერხა შიდა ჩემპიონატის მოგება, რაც თავისთავად გრანდიოზულად აღინიშნა. ბრემენის „ვერდერის“ დამარცხების შემდეგ ჩაბიმ ვრცელი და მრავლისმომცველი პრესკონფერენცია გამართა, სადაც სეზონი შეაფასა, სამომავლო გეგმებზე ისაუბრა და მსურველ კლუბებსაც შეეხო...
„ვამაყობ და მჯერა, რომ ეს ყველაფერი არ არის. „ლევერკუზენს“ ძალიან დიდი პერსპექტივა აქვს, ჩვენ მომდევნო სეზონშიც ვიბრძოლებთ ჩემპიონობის მოსაპოვებლად. ვიცით, რომ მისია რთულია, თუმცა არა შეუძლებელი.“
„ჩემი წასვლა სხვა კლუბში? სიტყვას არასდროს ვცვლი. მე ვრჩები „ლევერკუზენში“ და მივიჩნევ, რომ ეს სწორი გადაწყვეტილებაა, მომავალში კი ბევრი რამ შეიძლება მოხდეს.“
„ჩემპიონთა ლიგის ფავორიტი? ვფიქრობ, „რეალი“ და „სიტი“ დიდ შანსს ფლობენ და ამ წყვილის გამარჯვებულს ჩემპიონობა შეუძლია, თუმცა არ უნდა დავივიწყოთ „ბაიერნი“ და სხვები.“
„თუ „ბლანკოსი“ ინგლისში რესურსს სრულფასოვნად აითვისებს და ნახევარმცველები უბადლოდ ითამაშებენ, ანჩელოტის გუნდი გაიმარჯვებს. მივიჩნევ, რომ კროოსთან, მოდრიჩთან და სხვებთან ერთად სამეფო კლუბის ნახევარდაცვა უალტერნატივოა.“
- 15 აპრილი 2024
- 3617
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
