მოდრიჩი:„ჯერ არის „რეალი“ და შემდეგ ყველა სხვა გუნდი“
ლუკა მოდრიჩმა ძალიან საინტერესო საკითხებზე ისაუბრა...
„მადრიდის „რეალი“ არის ტოპ გუნდი, ყველა სხვა კლუბი ერთი ნაბიჯით უკან იმყოფება. ეს არის მსოფლიოში საუკეთესო კოლექტივი, დიდი ისტორიით და შემართებით.“
„როდესაც „რეალის“ ფეხბურთელი ხარ, ყოველთვის ფიქრობ ჩემპიონთა ლიგის მოგებაზე. როცა აქ ჩამოვედი მსურდა, რომ 2 ჩემპიონთა ლიგა მომეგო, მაგრამ 5-ჯერ შევძელი ევროსარბიელზე წარმატების მიღწევა. ეს აბსოლუტურად წარმოუდგენელი შედეგია. „ბლანკოსის“ ფეხბურთელებს ჩემპიონთა ლიგის ჰიმნის მოსმენისას სხვა მოტივაცია ეძლევათ. მიხარია, რომ ისტორიის ნაწილი ვარ.“
„ლა ლიგა 3-ჯერ მოვიგე, ჩემპიონთა ლიგა კი 5-ჯერ. ეს ალბათ მართლაც დაუჯერებელია, მაგრამ ფაქტია. ამ სეზონში ლა ლიგის მოგებასთან ახლოს ვართ და ჩემს კოლექციას კიდევ უფრო გავამდრიდრებ, ჩემპიონთა ლიგაზე კი ურთულესი მატჩები გველის. ჩვენ ორივე ტიტულისთვის ბოლომდე ბრძოლას ვგეგმავთ.“
„მე მიყვარს ფეხბურთი და მსურს, გავაგრძელო თამაში, იქნება ეს „ბლანკოსში“ თუ სხვა კლუბში. კარიერის დასრულებას ჯერ არ ვაპირებ და ჩემს ფიზიკურ კონდიციებზე ბევრს ვზრუნავ.“
„დავრჩები თუ არა „რეალში“? არ ვიცი, არ ვიცი. რთული სათქმელია.“
„კაზემირო და კროოსი? მათთან თამაში უდიდესი სიამოვნება იყო. დავალებებს უნიკალურად ვასრულებდით და ჩვენი ფუნქციები გვქონდა. გარდა ამისა, ამ ტრიომ „ბლანკოსში“ არაერთ პერსპექტიულ ფეხბურთელს გაუკვალა გზა. კაზემირო წავიდა, მაგრამ მე და ტონი ახლაც ვეხმარებით ახალბედა მადრიდისტებს. ჩვენს შემდეგ „რეალში“ ღირსეული ნახევარცმველების თაობა იქნება.“
- 19 მარტი 2024
- 1464
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
