მაშ ასე, მადრიდის „რეალის“ მთავარმა მწვრთნელმა მსოფლიოს საუკეთესო კლუბში მე-200 დაპირისპირების მოგება შეძლო.

ეს ნამდვილად ისტორიული მოვლენაა და ამას სტატისტიკაც მოწმობს, რომლითაც ბევრი ვერ იამაყებს.

„ბლანკოსში“ გატარებული 5 სეზონის განმავლობაში ანჩელოტიმ გუნდს 277 მატჩში უხელმძღვანელა და 200 მოიგო.

200-იდან 129 ლა ლიგაზე მოდის, 43 ჩემპიონთა ლიგაზე, 18 სამეფო თასზე, 4 ესპანეთის სუპერთასზე, 4 მსოფლიო საკლუბო ჩემპიონატზე, 2 კი ევროპის სუპერთასზე.

მიგელ მუნიოსის შემდეგ კარლიტოს „ბლანკოსში“ საუკეთესო შედეგი აქვს. ამ სპეციალისტს „მერენგების“ თავკაცის რანგში 357 მატჩი ჰქონდა მოგებული.

ფლორენტინო პერესმა „რეალის“ დამრიგებელს სამახსოვრო მაისური აჩუქა.������� dle 10.1������� ������� ������