ანჩელოტი:„ურთულესი ეტაპი გვაქვს, „სიტი“ ფავორიტი იქნება“
კარლო ანჩელოტიმ „ოსასუნასთან“ დაპირისპირების წინ პრესკონფერენცია გამართა, სადაც ჩემპიონთა ლიგის 1/4 ფინალებსაც შეეხო...
„სანაკრებო შეკრებამდე 1 მატჩია დარჩენილი, სადაც „ოსასუნა“ უნდა დავამარცხოთ და მორიგი 3 ქულა ჩავიწეროთ აქტივში. ეს ჩვენთვის ძალიან მნიშვნელოვანი მატჩია და სერიოზულად ვემზადებით.“
„ჩემპიონთა ლიგის წილისყრის შედეგად „რეალს“ ყველაზე რთული მეტოქე შეხვდა. მანჩესტერ „სიტი“ არავისთვის არის სასიამოვნო მოწინააღმდეგე, რადგან ხოსეპ გვარდიოლას კოლექტივში არნახული რესურსი აქვს.“
„თუ ჩემპიონთა ლიგის მოგება გვსურს, ნებისმიერი მეტოქის დამარცხება უნდა შევძლოთ. პირდაპირ გეტყვით, რომ „სიტი“ ჩვენთან ფავორიტია. რევანშზე არ ვფიქრობ, მე გამარჯვებაზე ვარ ორიენტირებული.“
„ის, რომ პირველი მატჩი ბერნაბეუზეა და მეორე მანჩესტერში, აბსოლუტურად არაფერს ცვლის.“
„სანაკრებო შეკრების შემდეგ კურტუა და მილიტაო ეტაპობრივად დაუბრუნდებიან გუნდს. არანაირი რისკი არ უნდა არსებობდეს, სხვა შემთხვევაში, მათ მოედანზე გასვლის საშუალებას არ მივცემ. მიხარია, რომ გუნდს ორი დიდი ფეხბურთელი დაუბრუნდება.“
„რასიზმი ვინისიუსის წინააღმდეგ დასადგომია. ვალენსია სამაგალითოდ მოიქცა და მაქსიმალურად ეცადა ყველა დამნაშავის დასჯას, იგივე უნდა გააკეთოს „ატლეტიკომაც“, ამ საშინელებას წერტილი უნდა დაესვას.“
„ნუ დაგავიწყდეთ, რომ მოროკოს ნაკრები მსოფლიო ჩემპიონატზე საოცრად გამოვიდა, ამ გუნდში შესაბამისი რესურსი არსებობს, ბრაჰიმ დიასი კი წინა ხაზს მნიშვნელოვნად გააძლიერებს.“
„შარშან „სიტისთან“ ბევრი შეცდომა დავუშვათ და ძალიან დიდი ანგარიშით წავაგეთ. გვარდიოლას გუნდმა ყველა კომპონენტში დაგვჯაბნა, თუმცა ახლა სხვა სიტუაციაა.“
„ჩვენ სეზონის გადამწყვეტ ეტაპს მოწოდების სიმაღლეზე შევხვდებით, რადგან გუნდს კურტუა და მილიტაო ეყოლება, ეს უდიდესი მიღწევა იქნება.“
- 15 მარტი 2024
- 12442
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
