ბუტრაგენიო:„„სიტისთან“ ბერნაბეუზე გამარჯვება გვმართებს“
ემილიო ბუტრაგენიო ქალაქ ნიონში ჩემპიონთა ლიგის 1/4 ფინალების წილისყრას ესწრებოდა, ღონისძიების დასრულების შემდეგ კი კომენტარი გააკეთა.
„ეს იქნება 2 ურთულესი დაპირისპირება, მაგრამ ძალიან სანახაობრივი და მომენტებით დახუნძლული. დარწმუნებული ვარ, გულშემატკივრები დიდ სიამოვნებას მიიღებენ. მე არ მჭირდება „სიტის“ ქება და კარგად ვიცი, რა შეუძლია ხოსეპ გვარდიოლას გუნდს, „რეალი“ და მანჩესტერული გრანდი ერთმანეთს კარგად იცნობენ, ბოლო წლებში არაერთი შეხვედრა ჩატარდა.“
„ჩვენ აუცილებლად უნდა გავიმარჯვოთ სანტიაგო ბერნაბეუზე და ეს შედეგი დავიცვათ ინგლისში თამაშისას. სახლში გამარჯვებას უდიდესი მნიშვნელობა ექნება.“
„გვარდიოლას შემადგენლობაში არაერთი ტოპ კლასის ფეხბურთელია, მაგრამ ვარსკვლავები „რეალშიც“ თამაშობენ, თანაც ძალიან დიდი გამოცდილებით და შემართებით. ამ მატჩში ორი ძლიერი გუნდი შეხვდება ერთმანეთს, 1/2 ფინალში კი უძლიერესი ითამაშებს.“
- 15 მარტი 2024
- 2052
- 70
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
