როგორც იცით, რობინიოს "მილანში" გადასვლა მადრიდელი გულშემატკივრებისთვის სიურპრიზი იყო. ბრაზილიელმა გამთამაშებელმა განაცხადა, რომ თუ ბერნაბეუზე გოლს გაიტანს, აუცილებლად აღნიშნავს. ასე რომ, რობსენდესოუსა სრული დატვირთვით ვარჯიშობს, რათა მადრიდელ ფანებს გული დაწყვიტოს.

19 ოქტომბერს, "რეალი" და "მილანი" ჩემპიონთა ლიგის ჯგუფურ ეტაპზე დაუპირისპირდებიან ერთმანეთს. ამ მატჩს მოუთმენლად ელის საფეხბურთო სამყარო. ეს ხომ ჩემპიონთა ლიგის ორი ყველაზე ტიტულოვანი კლუბის შეხვედრაა. შეგახსენებთ, რომ სამეფო კლუბთან და "მილანთან" ჯგუფში კიდევ ერთი, ძალიან დიდი ისტორიის მქონე კლუბი, "აიაქსი" მოხვდა.

რაც შეეხება, რობინიოს ბერნაბეუზე დაბრუნებას, ბრაზილიელი ფეხბურთელი აცხადებს, რომ იგი მეგობრულად ნამდვილად არ შეხვდება თავის ყოფილ თანაგუნდელებს და ყველაფერს გააკეთებს მათ დასამარცხებლად. ეს მატჩი საფეხბურთო ისტორიაში ეჭვგარეშე შევა, თუმცა ვნახოთ ამ ისტორიას დაწერს თუ არა რობინიო?! გამოკითხულთა 63 პროცენტი ირწმუნება, რომ რობინიო მილანში აუცილებლად გაიბრწყინებს.

4 პროცენტი კი აცხადებს, რომ მადრიდელებს რობინიო ძალიან უყვართ და ბერნაბეუზე გამოსვლისთანავე იგი აპლოდისმენტებს დაიმსახურებს ძველი ქომაგისგან. დანარჩენი 32 პროცენტი კი ირწმუნება, რომ ამაზე საუბარს წინასწარ აზრი არ აქვს.