ბრიტანული გამოცემების ცნობით, მანჩესტერ „იუნაიტედის“ ხელმძღვანელობაში ცვლილებების შემდეგ, გუნდი ახალ პროექტს იწყებს.

არსებული ცნობით, ახალი ხელმძღვანელობის პირობებში, „მანჩესტერ იუნაიტედი“ „ოლდ ტრაფორდს“ ან განაახლებს, ან ახალ არენას ააშენებს და ულტრაშესაძლებლობების მქონე სტადიონი ექნება.

გარდა ამისა, „წითლები“ ტრანსფერებში დაახლოებით 450 მილიონი ევროს დახარჯვას აპირებენ და გუნდიდან ასევე 10 ფეხბურთელის გაშვება აქვთ მიზნად დასახული.

რაც შეეხება სატრანსფერო სამიზნეებს. არსებული ცნობით, „იუნაიტედის“ ხელმძღვანელობა ძალიან დიდ ინტერესს გამოთქვამს „რეალის“ 2 ვარსკვლავის, როდრიგო გოეშისა და ფედერიკო ვალვერდეს მიმართ და მზად არის ორივე ფეხბურთელის ტრანსფერში 270 მილიონი ევრო გადაიხადოს, რაც რა თქმა უნდა, ძალიან დიდი თანხაა.

270 მილიონიდან 150 მილიონი როდრიგოსთვის არის განსაზღვრული, 120 კი ფედე ვალვერდესთვის.

ინგლისში მიაჩნიათ, რომ კილიან მბაპეს ტრანსფერის გაოფიციალურების შემდეგ, პერესი შესაძლოა გოეშის გაშვებაზე მართლაც დაფიქრდეს, რადგან შეთავაზება კოლოსალურია და „ბლანკოსის“ შემოსავლებს მნიშვნელოვნად გაზრდის.

რაც შეეხება ვალვერდეს, ურუგვაელს მადრიდში ხელშეუხებელ მოთამაშედ მიიჩნევენ, თუმცა შეთავაზება მის შემთხვევაშიც კოლოსალურია.

ამასთანავე ცნობილია, რომ „იუნაიტედში“ ორივე ფეხბურთელის წელფასი წლიურად 15 მილიონ ევროზე მეტი იქნება.

„იუნაიტედში“ მიიჩნევენ, რომ „რეალის“ ფეხბურთელებთან ერთად უდიდესი წარმატების მიღწევა იქნება შესაძლებელი და გუნდმა ფლორენტინო პერესთან მოლაპარაკება ტოპ პრიორიტეტად უნდა დაისახოს.������� dle 10.1������� ������� ������