TheAthletic - ჰოლანდს „რეალი“ მოსწონს და იქ ითამაშებს!
TheAthletic-ის ინფორმაციით, ერლინგ ჰოლანდი მადრიდის „რეალში“ თამაშის პერსპექტივას ყოველთვის განიხილავდა და რაც უფრო გადის დრო, მით მეტად იზრდება ბერნაბეუზე თამაშის სურვილი...
გამოცემის ცნობით, ნორვეგიელი ფორვარდი „სიტის“ დატოვებას ზაფხულში არ აპირებს, რომ 2025 წელს მადრიდში გადასვლისთვის ყველაფერს იღონებს.
არსებული ცნობით, ჰოლანდი გვარდიოლას გუნდთან ახალ კონტრაქტს არ გააფორმებს, მისი წარმომადგენლობა კი ფლორენტინო პერესთან მუდმივ კავშირზე იქნება.
თავის მხრივ, „რეალს“ სურს, რომ ჰოლანდმა და მბაპემ ერთად ითამაშოს, ამისთვის გუნდს გააჩნია როგორც ფინანსური რესურსი, ასევე სტრატეგია, რომლითაც „სიტისთან“ მოლაპარაკებების დროს უნდა იმოქმედოს.
ჰოლანდმა ინგლისში ჩემპიონთა ლიგა და პრემიერლიგა უკვე მოიგო, 2025 წლის ზაფხულამდე კი კიდევ ბევრი ჯილდოს მოგებას შეძლებს, წელიწადნახევარში კი ახალი გამოწვევის დრო დადგება. ზემოაღნიშნული გამოცემის ცნობით, ნორვეგიელი ბერნაბეუზე ითამაშებს.
- 22 თებერვალი 2024
- 2370
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
