ხუნი კალაფატი ბრაზილიურ ბაზარს შესანიშნავად ითვისებს. ადამიანი, რომელიც ფლორენტინო პერესის განსაკუთრებული ნდობით სარგებლობს, მადრიდულ გრანდს კიდევ ერთი ფეხბურთელის შეძენას ურჩევს...

„ის ნამდვილი კლდეა, რომელიც ევროპულ ფეხბურთში დიდ წარმატებას მიაღწევს“-სწორედ ასე დაახასიათა ხუნი კალაფატმა 17 წლის მცველი ვენანსიო, რომელსაც შესანიშნავი თვისებები აქვს და უკვე რამდენიმე ევროპული კლუბის ყურადღება მიიპყრო.

რაფაელ კორეირა ვენანსიო კორინთიანსის 20 წლამდელებში ასპარეზობს. ის ცენტრალური მცველია და საკმაოდ კარგად ირჩევს პოზიციას.

მადრიდში ფიქრობენ, რომ ვენანსიოს დამატება და 1 წლით კასტილიაში თამაში საუკეთესო გამოსავალი უნდა იყოს.

2006 წელს დაბადებული ფეხბურთელის მიმართ ინტერესს იტალიის ჩემპიონატიდანაც იჩენენ, თუმცა ოფიციალური მოლაპარაკებები ჯერ არ არსებობს.

ასევე ვრცელდება ინფორმაცია, რომლის მიხედვითაც, ვენანსიოს კანდიდატურით ჟოან ლაპორტაც არის დაინტერესებული.

ფეხბურთელის სატრანსფერო ღირებულებაზე არანაირი ინფორმაცია არ გავრცელებულა.������� dle 10.1������� ������� ������